Kung sakaling sasali ang girlfriend ni Mark Herras na si Winwyn Marquez sa Binibining Pilipinas ay hindi raw tututol ang aktor.
Nakapanayam ng PEP.ph (Philippine Entertainment Portal) si Mark sa Angeles City noong July 20, para sa taping ng Sa Piling Ni Nanay na drama series ng GMA.
Saad niya, “Actually, yung mga plano ni Win for the future, hindi ko naman talaga pinipigilan, kasi she really wants to study pa at makakuha siya ng lisensiya para magturo.”
Nais kasi ni Winwyn na maging teacher.
“Sa Binibini naman, lagi ko siyang tinatanong.
“Kung gusto niya naman, kung anuman ang gustong gawin niya, susuportahan ko siya.”
Hindi raw siya mai-insecure kung sakaling maging beauty queen si Winwyn at mas marami ang magkagusto rito.
Confident siya?
“Confident hindi dahil... hindi ko sinasabi na hindi ako kayang palitan ni Win, pero I’m doing every thing para hindi niya maisip yun!” aniya.
Ngayon ba ay buong sinserong masasabi ni Mark na hindi na siya playboy?
“Ako, I’m proud to say na now, I’m very proud to say na things changed talaga,” deklara niya.
Napaka-faithful raw niya kay Winwyn.