Nagkapalitan ng mensahe, sa pamamagitan ng Instagram, sina Angel Locsin at Marian Rivera nitong weekend.
Ito ay matapos i-share ni Angel ang caricature nilang dalawa dalawa ni Marian na naka-costume ng Darna.
Sa caption ng nasabing Instagram post, itinag ni Angel si Marian.
Ayon kay Angel, nakita lang niya ang naturang caricature dahil naka-tag siya rito.
Sumagot naman sa comments section si Marian at sinabing “cute” ang nasabing photo.
May hawak ding lipstick ang dalawang caricature, dahil endorser na rin si Marian ng cosmetics brand na matagal nang iniendorso ni Angel.
Unang ginampanan ni Angel ang role ng Pinay superhero sa GMA primetime series noong 2005, at ginampanan naman ito ni Marian noong 2009.
Nababalitang magkakaroon ng bagong film version ang Darna at matunog ang pangalan ni Angel na gaganap mula sa classic Pinay superhero role na ito.