May panibagong development sa kontrobersiyang kinasasangkutan nina Sunshine Dizon, Timothy Tan, at Clarisma Sison.
Nakausap ng PEP.ph (Philippine Entertainment Portal) si Timothy kagabi, August 22, at sinabi niyang haharap siya sa press isa sa mga araw na ito.
Ayon sa estranged husband ni Sunshine, may isisiwalat siya tungkol kay Clarisma.
Si Clarisma ang itinuturong dahilan kung bakit naghiwalay sina Sunshine at Timothy.
Sasabihin daw ni Timothy kung ano talaga ang namagitan sa kanilang dalawa ni Clarisma.
Isa na rito ang magkasama silang lumalabas ng bansa.
Kailangan daw malaman ng lahat kung ano ang dahilan ng out-of-the-country trips nila ni Clarisma.
Kasama ni Timothy na haharap sa press ang legal counsels niyang sina Atty. Ruth Castelo at Atty. Peter Sanchez.
Sabi pa ng mister ni Sunshine, “Gusto ko nang malaman ng lahat ang buong pangyayari.”