Maraming followers ng mag-asawang Judy Ann Santos at Ryan Agoncillo ang kinilig dahil sa video na ipinost ng huli sa kanyang Instagram account.
Sa video ay mapapanood kung gaano ka-excited si Ryan na ipakita kay Judy Ann ang isang magarang bahay.
Bago buhatin papasok sa loob ng naturang bahay, sinabi ni Ryan: “Welcome to your new [home].”
Pagkapasok ay hinalikan ni Judy Ann si Ryan, na nagsabi naman sa misis na: “This is your new home! Yahoo!”
Walang ibang paglalarawan si Ryan sa naturang video kundi ang caption lamang niyang “I love you Judy Anne.”
Base sa Instagram post ni Judy Ann, silang mag-asawa lamang ang nagtungo sa Las Vegas, Nevada para makita ang bagong bahay.
Sa katunayan, sa kanilang pag-alis patungong Las Vegas, nakita pa nila sa airport ang mag-asawang sina Gladys Reyes at Christopher Roxas na patungo naman sa San Francisco, California.
Sa larawan nilang apat, nagbiro pa si Gladys ng “Good luck to baby no.4.”
Sinubukan ng PEP.ph (Philippine Entertainment Portal) na alamin ang tungkol sa ipinakita ni Ryan na bahay sa Las Vegas, sa pamamagitan ng kanyang manager na si Noel Ferrer, subalit wala pa itong sagot hanggang ngayon.