Hiwalay na diumano ang mag-asawang sina Gab Valenciano at Tricia Centenera.
Ito ay mahigit isang taon lamang pagkatapos nilang ikasal nang dalawang beses noong 2015.
Una silang ikinasal noong March 27, 2015 sa Tagaytay Highlands Gold Club.
Sinundan ito ng beach wedding nila sa Boracay noong March 31, 2015.
Ngayon ay kumakalat ang balitang tinuldukan na ng dalawa ang kanilang pagsasama bilang mag-asawa.
TWITTER POSTs. Kahapon, August 31, isang makahulugang post ang ibinahagi ni Tricia sa kanyang Twitter account.
May kaugnayan ito sa 'cheaters':
Rebuilding, because I don't tolerate cheaters. pic.twitter.com/3kLGwvmfDA
— Tricia Centenera (@TriciaCentenera) August 30, 2016
May nagkomento naman dito na isang follower ni Tricia at nagsabing sana raw ay maayos kung anumang pinagdadaanan nila.
@TriciaCentenera oh my gosh...really? Gab? How could he? U guys looked so in love w/ each other. I really pray you get thru this.
— Pauline Penry-Jones (@Pinky_Pauline) August 31, 2016
May ni-retweet din si Tricia tungkol sa '5 rules of a relationship':
5 rules of a relationship:
— Love Quotes (@LoveQuotes) August 31, 2016
1. Stay faithful.
2. Make them feel wanted.
3. Respect your partner.
4. Don't flirt with others.
5. Make time.
Pero ilang araw bago pa man mag-post si Tricia ay may cryptic posts na rin si Gab sa Twitter tungkol sa 'new beginnings'
New beginnings.
— Gabriel Valenciano (@gabvalenciano) August 30, 2016
Life is a continuous journey of struggle. Might as well live it by struggling strong.
— Gabriel Valenciano (@gabvalenciano) August 30, 2016
Lord. My heart is fully yours. Mend it with your goodness. Complete me with your love. In this sincere brokenness, may you be my wholeness.
— Gabriel Valenciano (@gabvalenciano) August 31, 2016
:
STORMIEST OF DAYS. Ngayong araw, September 1, isa namang mensahe tungkol sa 'bagyo ng buhay' ang ibinahagi ni Gab sa kanyang Instagram.
Sinamahan niya ito ng larawan kasama ang inang si Angeli Pangilinan-Valenciano at kapatid na babaeng si Kiana Valenciano.
Sabi ni Gab sa caption: “A pocket full of sunshine in the stormiest of days.”
Kaagad namang nagkomento rito ang ina ni Gab.
Mensahe ni Angeli, sa bawat problema o balakid na kinakaharap nito, dapat daw niyang unahin ang Panginoon bago ang lahat dahil tiyak daw na sa huli ay magiging maayos din ang mga ito.
Kapansin-pansin ding matagal nang walang posts sa Instagram sina Gab at Tricia na magkasama o tungkol sa isa't isa.
Nagpadala na ng mensahe ang PEP.ph (Philippine Entertainment Portal) kina Gab at Tricia para sa kanilang pahayag tungkol sa balitang ito.