Tinanong namin si Edu Manzano tungkol sa makulay na love life ng anak niyang si Luis Manzano, na kasalukuyang nali-link kay Jessy Mendiola.
Sabi niya, “You know, yung anak kong yan, lagi akong tinatanong tungkol sa kanyang love life.
“Hindi ko pa sila nakitang magkasama ni Jessy.
“Never akong nakikialam, never ko siyang tinatanong tungkol sa kanyang mga relationships.
“Because he’s thirty-five years old, di ba?
“Ba’t ko siya tatanungin?
“At lalong hindi ko siya dedepensahan .
“You know, I will not come to his defense.”
WILLING TO GIVE ADVICE. Paano kung lalapit sa kanya si Luis at hihingi ng payo tungkol sa love life?
“Ah yun, ibang usapan yun.
“Kung lumapit sa akin, humingi ng advise, I will help in whatever way I can.
“You know, I love my son.
“If you notice, every year, bumibiyahe ako kasama yung mga bata, kasi that’s one way of trying to make up for the years that I wasn’t there dahil sa trabaho.
“Pero only there.
“So hindi niyo ako makikita o maririnig na nagbo-volunteer ng impormasyon o tumatayo at dinidepensahan yung anak ko.”
Nakausap ng PEP.ph (Philippine Entertainment Portal)si Edu sa presscon ng upcoming GMA drama series na Someone To Watch Over Me noong August 22, sa Le Reve Events Place sa Sgt. Esguerra sa Quezon City.
OLD ENOUGH TO KNOW BETTER. Papayagan naman daw niya kung sakaling magdesisyon si Luis na mag-asawa na.
Aniya, “Bahala siya sa buhay niya, thirty-five na siya!”
Kung sa pagtakbo naman sa susunod na eleksiyon, papayagan rin ba ni Edu si Luis?
“You know, yung anak ko, I’m very happy na napatapos ko siya ng pag-aaral,
“Meron siyang, he has a college degree, kung sakaling hindi siya maging matagumpay sa isang propesyon, at least meron siyang pinag-aralan.
“Hindi siya mahihirapan maghanap ng trabaho.
“So you cannot be a superstar forever,” diin niya.
GOOD TASTE. Hiningan naman namin ng opinyon si Edu na ang mga girlfriends ni Luis, past and present, ay tatlong FHM’s Sexiest Pinays: sina Angel Locsin, Jennylyn Mercado at si Jessy.
Mana ba sa kanya si Luis?
Pabirong hirit niya, “E, kulang pa siya ng tatlo! Anim na FHM ang naging girlfriend ko!
“No, you know, my son is a good-looking man.
“He has good taste, you know?
“So hindi mo rin maaalis na, of course, he would be attracted to beautiful women.
“At the same time, he’s very charming, so natural lang yun.”
NEW SHOW. Samantala, gaganap si Edu sa Someone To Watch Over Me bilang si Buddy Chavez.
Bida sa Someone To Watch Over Me sina Tom Rodriguez bilang si TJ Chavez, Max Collins bilang si Irene Montenegro, at Lovi Poe bilang si Joanna Mercado.
Kasama rin sa show sina Jackie Lou Blanco bilang Cielo Chavez, Isay Alvarez at Ronnie Lazaro bilang Carmen at Ruben Mercado, Boy 2 Quizon bilang Paolo, Ralph Noriega bilang Jepoy Mercado, at Frances Makil bilang best friend ni Joanna.
Ang Someone To Watch Over Me ay sa direksyon ni Maryo J. Delos Reyes.
Magsisimula na ito sa Lunes, September 5, sa GMA Telebabad.