Nagbunga rin ang pagkaka-link ng Kapuso hunk na si Benjamin Alves kay Asia’s Pop Sweetheart Julie Anne San Jose, dahil pinagtambal na sila sa isang malapit nang mapanood na teleserye sa GMA-7.
Pagbibidahan nina Julie at Benjamin ang TV remake ng 1987 Ishmael Bernal film na Pinulot Ka Lang Sa Lupa.
Pinagbidahan ito noong 1987 nila Lorna Tolentino, Eddie Garcia, Gabby Concepcion at Maricel Soriano.
Sa ginanap na story conference ng naturang teleserye noong nakaraang August 31 sa GMA Annex Building, kitang-kita na masayang-masaya sina Julie Anne at Benjamin dahil first time nilang magsasama sa isang teleserye.
Naikuwento pa ni Kapuso hunk na excited siya, hindi lang dahil makakatambal niya ang babaeng nililigawan niya ngayon, kundi dahil ipapakilala na rin niya si Julie Anne sa kanyang pamilya.
Promise daw kasi ni Benjamin na kapag may babaeng seryoso na niyang nililigawan ay ipapakilala niya ito sa kanyang pamilya.
Kasalukuyang nasa Guam ang buong pamilya ni Benjamin kaya puro mga photos nila ni Julie ang nakikita pa lang nila ngayon.
“Yeah, everything happens for a reason.
“Everything happens at the right time.
“My family is not here, but they are very excited to see her.
“I share pictures with them a lot, so alam naman nila yung nangyayari with me and Julie.
“They get to communicate naman, so we’re good,” masayang kuwento ni Benjamin sa PEP.ph (Philippine Entertainment Portal).
FIRST ATTRACTION. Nabanggit ni Julie na ang mga mata ni Benjamin ang unang napapansin nito sa kanya.
Para naman kay Benjamin, ang magandang lips naman daw ni Julie ang unang nakaagaw ng pansin sa kanya.
Noong magsama raw sila ni Julie sa isang workshop, ang labi raw ng Kapuso singer-actress ang unang napansin nito.
“Hindi lang ang lips ni Julie, pati ang eyes niya.
“Doon talaga ako tumingin. Parehong maganda kasi,” ngiti pa niya.
Marami raw silang parehong gusto ni Julie kaya mabilis silang nagkasundo.
COMMON INTERESTS. Kung meron naman daw na gustong matututunan si Benjamin kay Julie, ito ay ang singing at songwriting.
Noon pa raw gusto ni Benjamin na matutong kumanta at magsulat ng songs.
“Singing. Singing siguro. I don’t know if I can learn that.
“Whoever teaches me has to have very forgiving ears. Very patient… almost deaf!” pagbiro pa niya.
Dagdag pa niya, “I don’t know how to write lyrics, because I don’t know how to compose, but it interests me.
“Same with poetry.”
Kabilang sa pangarap din ng aktor ay ang mag-produce ng isang album, hindi para sa kanya, kundi para sa isang singer na tulad ni Julie.
“Julie would be good. We share a lot of stuff together, a lot of writing together,” diin pa niya.
READY FOR RELATIONSHIP. Para naman kay Julie, hindi niya akalain na darating ang panahon na magiging ready siya sa pakikipag-date.
Hindi naman daw naging distraction si Benjamin.
Aniya, “I thought like before kasi na hindi pa talaga ako ready sa mga ganitong klaseng bagay.
“Hindi naman siya distraction for me, pero like iba kasi talaga pag yun yung focus ko, e.
“And yung parang after ko grumaduate and all, puwede na”
Inamin ni Julie na iba ang pakiramdam niya kapag kasama niya si Benjamin.
“I feel safe with him. Kaya ang parents ko, gusto siya.
“They trust him kaagad kasi nalaman nila na he’s God-fearing.
“Importante iyon sa parents ko kaya they trust me with him,” lahad pa ni Julie Anne.