Kumpirmadong sangkot sa isang sindikato ng illegal drugs ang napatay na nakababatang kapatid ni Maritoni Fernandez na si Ma. Aurora Moynihan.
Ayon sa Taguig City Police District, kabilang si Moynihan sa drug watchlist nila.
Sa ulat ng TV Patrol ng ABS-CBN ngayong Lunes ng gabi, September 12, sinabi ni Taguig City Police District Chief Superintendent Allen Sumeg-Ang Ocden na nitong nakaraang Pebrero lamang ay nahuli ng pulisya sa kanilang lugar si Moynihan.
Bukod kay Moynihan, may mga kasama pa itong naaresto sa isang drug den sa Brgy. Sta. Ana, Taguig City.
Nahuli mula sa kanila ang shabu, ecstasy, at marijuana.
Nakakulong pa ang mga kasamahan ni Moynihan, ngunit nakalaya siya dahil bailable ang reklamo sa kanyang drug possession.
Saad pa ni Superintendent Ocden, “After her release in prison, she had still connections but she transferred to other places like in Quezon City.”
Matatandaang nitong Sabado ng gabi, September 10, ay nabaril at napatay si Moynihan sa Temple Drive corner Giraffe Street sa Barangay Ugong Norte, Quezon City.
Read: Maritoni Fernandez's sister shot dead in Quezon City
Ayon naman sa ulat ng State of the Nation ngayong gabi, na-cremate na ang mga labi ni Moynihan kaninang umaga.
Tumanggi naman daw magbigay ng pahayag ang kanyang kapatid na si Maritoni.