“All I have to say is it’s not true.”
Ito ang sagot ni James Reid sa pagkakaugnay ng pangalan ng kanyang kapatid na si Lauren Reid sa hiwalayan nina Gab Valenciano at Tricia Centenera.
Pagpapatuloy ng 23-year-old Kapamilya actor, “She’s the one who told me [about it].
“She said, 'You know this is out, blah, blah, but it’s not true.'”
Apektado ba si Lauren sa isyu?
Tugon ng Till I Met You star, “No. Nakalimutan na niya.”
Magkaibigan ba sina Lauren at Gab?
Ayon kay James, “They’ve met. And that’s it.”
Isa ang pangalan ni Lauren sa nabanggit ng source ng PEP.ph (Philippine Entertainment Portal) sa diumano’y nakaugnay ni Gab at naging dahilan ng paghihiwalay nila ni ni Tricia.
Ang iba ay ang cosplayer at TV host na si Alodia Gosiengfiao, si Issa Pressman (kapatid ni Yassi Pressman), at ang modelong si Dani Camcam.
Itinanggi na ni Issa ang pagkakaugnay niya kay Gab, samantalang hindi pa nagbibigay ng anumang pahayag sina Alodia at Dani.
Nakausap ng PEP si James sa pormal na pagpapakilala sa kanya bilang kabahagi ng #StartYourStory campaign ng Manulife Philippines.
Sa launching na ginanap sa The Brewery At The Palace, Bonifacio Global City, Taguig City, ngayong Miyerkules ng gabi, September 14, nag-perform din si James ng tatlong bagong kanta na magiging bahagi ng kanyang upcoming album.
