Kailan lang ay sinelebra ni Miguel Tanfelix ang kanyang ika-18 na kaarawan.
Si Bianca Umali naman ay sixteen pa lamang.
Pero dahil sa tagal ng kanilang pagiging solid na magka-love team sa loob ng halos apat na taon ay marami na talaga ang nag-iisip at nagsasabing sila na.
Bagamat bata pa silang pareho, marami rin ang nagsasabing baka ang mga tulad nila ang puwedeng bansagang “young love.”
Pagklaro ni Bianca, “Naku! Hindi po talaga. Friends lang po kami.
“Close lang po talaga kami ni Miguel.
“Sabi nga po nila, if you love someone, you’re willing to wait.”
MIGUEL'S ENDEARING TRAITS. Hindi pa raw pinapayagan ni Bianca ang sarili na mag-boyfriend.
Pero kung sakali rin naman at dumating na ang panahon na handa na siya, ano yung mga katangian ni Miguel na pang-boyfriend material sa kanya?
Lahad niya, “Si Miguel, marami po kaming things in common.
“Marami kaming interests that we both enjoy doing together like reading, adventure, travels, eating, marami pong talaga.
“And even our family po kasi are very close with each other.
“So whenever na magkakasama kami, one family po talaga.
“And I think, it’s not the usual connection that one person can have with one another.
“Basta lahat po ng nai-imagine niyong traits sa isang lalaki, meron po siya.”
HOPEFUL FOR LOVE TEAM'S LONGEVITY. Kahit matagal na silang magka-love team, alam daw ni Bianca na darating talaga ang panahon na posibleng paghiwalayin sila ni Miguel.
Pero pag-amin ni Bianca, “Well, possible po talaga yung paghihiwalayin kami ni Miguel as loveteam.
“Pero hindi po namin iniisip dahil siyempre, malungkot yun for the both of us.
“Kumbaga sa building, ang taas-taas na ng na-build naming dalawa, tapos pinaghiwalay kami.”
Kanina naman ipinalabas ang pilot episode ng URL o Usapang Real Love, ang bagong serye na napapanood tuwing Linggo ng hapon sa GMA-7.
At sa pilot month nito, ang loveteam nilang dalawa ni Miguel ang unang binigyan ng pagkakataon ng Kapuso network.
Ayon kay Bianca nang makausap ng PEP.ph (Philippine Entertainment Portal) sa grand presscon nila sa 17th Floor ng GMA noong September 21, “Bihira lang po kasi ang nabibigyan ng ganitong tiwala ng GMA.
Saad niya, “So we’re very thankful and very blessed na ganito po kami kamahal at inaalagaan ng GMA.”
THANKFUL BUT PRESSURED. Aminado si Bianca na may pressure silang nararamdaman dahil sa mga expectations sa kanila sa bago nilang show.
Rason niya, “Kasi nga po, kami ang mag-o-open ng first interactive romcom.
“Pero kapag kami po talaga ni Miguel ang nagta-trabaho, hindi po namin pino-focus ang sarili namin sa pressure.
“We make it a point na talagang mag-enjoy kami sa ginagawa namin, and we’re very blessed and thankful na kumportable po ang network na kami ang mag-open ng isa sa mga bagong show nila.
“Ang URL po na romcom ay very first po in the Philippines.”