Anumang oras mula ngayon ay isisilang na ni Toni Gonzaga ang panganay nilang anak ng mister niyang si Paul Soriano.
Pero sa kabila nito ay dumalo pa siya sa red-carpet premiere ng pelikulang My Rebound Girl, na pinagbibidahan ng kanyang kapatid na si Alex Gonzaga.
Ginanap ang premiere sa Cinema 7 ng SM Megamall nitong Martes ng gabi, September 27.
Kuwento ni Alex tungkol sa sitwasyon ng kanyang ate, “Kanina, actually, sinabi niya na dinudugo-dugo na siya.
“Sabi niya, aalis na agad siya pagkadating na pagkadating niya, pero nag-stay din siya. Touched ako.
“Sabi niya, nagko-contraction na rin siya.
“Sabi niya, kapag nag-contraction pa rin siya, didiretso na siya sa ospital.”
Kinumpirma rin ni Mrs. Pinty Gonzaga, ang ina ni Toni, ang kalagayan ng kanyang panganay na anak na nakatakda nang magsilang sa St. Luke's Medical Center sa Global City.
Baby boy ang isisilang ni Toni.