Ang Fil-Australian model na si Catriona Gray ang kinoronahan bilang Miss World Philippines 2016 ngayong Linggo ng gabi, October 2.
Siya ang official candidate ng bansa sa darating na Miss World 2016 pageant na gaganapin sa December 18 sa Washington, D.C.
Ipinasa ni Miss World Philippines 2016 Hillarie Parungao ang korona sa grand coronation pageant ceremonies na ginanap sa Manila Hotel Tent City sa Ermita, Manila.
Sina Richard Gutierrez at Lauren Reid ang nagsilbing hosts ng nasabing pageant.
Kasama rin nila ang dating Miss World Philippines titleholders na sina Gwendolyn Ruais at Queenie Rehman.
Kabilang sa napanalunan ni Catriona ay one-year training sa Gold's Gym, isang brand new Hyundai Eon, at management contract worth 1 million sa Viva Artist Agency.
Itinanghal naman bilang 1st Princess si Arienne Calingo (#5) at 2nd Princess si Ivanna Pacis (#18), habang 3rd Princess si Marah Munoz (#21), at 4th princess si Sandra Lemonon (#8).
Binigyan ang Top 5 ng huling pagkakataon kung bakit sila ang dapat itanghal na Miss World Philippines.
Ang sagot ni Catriona: "To be a Miss World is to passes the torch that burns with passion and purpose. If I am to become Miss World Philippines, I would dedicate my voice and essence to carry that torch and to set charitable causes alike such as my personal advocacy, the Paraiso: Bright Beginnings Project.
"And I would focus on passing on this torch to empower others because I believe together, there is no darkness in this world that our light can't overcome."
Sa unang bahagi ng question and answer portion, ang tanong na napunta kay Catriona ay binasa ni Richard: "When you get up in the morning and look in the mirror, what do you see?"
Ang winning answer naman ni Catriona: "I see someone who is constantly trying to be better. I always endure to always be better than the day before, to do things that challenge me, to do things outside the box.
"And something very fulfilling that I have found is when I look in the mirror and I want to see someone who gives back to the community. That's what I see every single day. Thank you so much."
Bago pa i-announce ang Top 12, humakot na ng special awards si Catriona kabilang ang Miss Manila Hotel, Miss Hannah Resort, Fashion Runway Award, Best in Swimsuit, at Best in Long Gown.
Nakuha naman ni candidate #8 na si Sandra Lemonon ang Miss Photogenic award.
Kabilang din sa Top 12 sina Sarah Joson (#7), Shenna Mae Zaldivar (#2), Yuri Caunca (#24), Arah Salientes (#12), Ralph Lauren Asuncion (#23), Kristine Gaile Lopez (#10), at Alyanna Cagandahan (#4).