Hindi natuloy ang pagbabasa ng pormal na sakdal sa aktor na si Mark Anthony Fernandez ngayong Huwebes ng umaga, October 6, sa Angeles City Regional Trial Court (AC-RTC) at Angeles City Municipal Trial Court (AC-MTC).
Sa Angeles City Municipal Trial Court sana babasahan ng sakdal ang aktor para sa civil disobedience matapos niyang takasan diumano ang checkpoint sa Pampanga.
Sa Angeles City Regional Trial Court Branch 60 naman sana babasahan si Mark Anthony ng mga reklamong may kaugnayan sa RA 9165 o Violation of the Dangerous Drugs Act of 1992.
Ayon sa ulat ni Mav Gonzales ng GMA News, naurong sa ibang petsa ang arraignment kasunod ng paghain ng mosyon ng kampo ng aktor na suspendihin ang arraignment.
Kasunod nito ang kanilang hiling sa korte na magkaroon ng re-investigation kaugnay ng kinahaharap na reklamong kriminal ng aktor matapos mahuli sa kanyang sasakyan ang isang kilo ng marijuana.
JUST IN: Mark Anthony Fernandez' arraignment suspended in both courts after his camp filed a motion to suspend proceedings & reinvestigate.
— Mav Gonzales (@mavgonzales) October 6, 2016
Dagdag pa sa ulat, naghain din ng mosyon ang kampo ni Mark Anthony na ilipat siya sa Pampanga Provincial Jail mula sa Angeles City Police Station 6 Jail dahil masyado daw masikip ang naturang kulungan.
Fernandez' camp also moved for his immediate transfer to Pampanga Provincial Jail; said Angeles City Jail too crowded to accept new inmates.
— Mav Gonzales (@mavgonzales) October 6, 2016
Ayon pa sa ulat, maagang dumating sa korte si Mark kasama ang ina nitong si Alma Moreno at dalawang kapatid.
EXCLUSIVE: Dumating na para sa kanyang arraignment si Mark Anthony Fernandez. Kasama niya ang inang si Alma Moreno. pic.twitter.com/2CRiDxi5Wt
— Mav Gonzales (@mavgonzales) October 6, 2016
EXCLUSIVE: Sinalubong ng fans si Mark Anthony Fernandez paglabas niya ng police station sa Angeles, Pampanga. pic.twitter.com/JKeZMkJURG
— Mav Gonzales (@mavgonzales) October 6, 2016
Nahaharap si Mark Anthony sa posibleng habang buhay na pagkabilanggo dahil sa patung-patong na reklamo kaugnay ng illegal position of marijuana.
Read: Mark Anthony Fernandez may face lifetime imprisonment over alleged illegal possession of marijuana