Nagbigay ng pahayag si Epy Quizon tungkol sa pagkakaaresto ni Mark Anthony Fernandez matapos mahulihan ng isang kilong marijuana noong nakaraang linggo.
Ayon kay Epy, “Actually, ang nagbalita sa akin nung unang gabi, si Gladys pa, nasa taping kami ng Oh, My Mama!
“Si Direk Neal [del Rosario] kasi, di ba, kasama nila si Mark sa huling show nila, so napakalapit niya din sa grupo ng production na ito.”
Nakausap ng PEP.ph (Philippine Entertainment Portal) si Epy sa taping nila para sa Oh, My Mama!
sa Marikina City kahapon, Biyernes, October 7.
Co-star ni Epy si Gladys Reyes sa naturang serye, kunsaan direktor naman nila si Neal del Rosario, na nakasama ni Mark sa Wish I May sa GMA Network din January ng taong kasalukuyan.
“Siyempre nung sinabi sa akin, nung nalaman ko yung amount nung hawak niya, e, alam ko ng medyo malaki yung sabit niya.”
Ayon pa kay Epy, “Of course, nung nakita ko siyang ini-interview, dazed, naba-blangko, kasama na rin siguro yung fear niya na nangyayari sa kanya yun, yung eskandalo...
“E, medyo siyempre, yun… gusto mong tumulong pero wala ka namang maitutulong.
“Kasi batas yun, e! Kumbaga, batas ang nakabangga niya, e.
“Of course, parang kapatid ko yun, binilin pa sa akin ni Kuya Daboy 'yan.”
Si Mark Anthony ay anak ng yumaong aktor na si Rudy 'Daboy' Fernandez sa actress-politician na si Alma Moreno, na naging karelasyon ng yumaong ama ni Epy na si Dolphy.
Sabi ni Epy, “Alagaan ko.
“Di ba, magkasama kami ni Kuya Daboy sa Da Boy En Da Girl, last TV show ni Daboy, di ba?
“Ako yung pinaka-right hand man ni Kuya Daboy dun.
“Parang kapatid ko 'yan, kapatid ni Vandolph 'yan, e.
“Kapatid ng kapatid ko si Mark, so… siyempre mabigat sa akin na nangyayari sa kanya ito.
“Lalo na nung nakita ko nakaupo siya dun sa may selda, di ba?
“Na parang ginagawang mascot ng Jollibee, na nagpapa-picture yung mga kung sinu-sino sa kanya.”
Naging kontrobersyal nga ang groufie ng dalawang lady police kasama si Mark.
“Sa akin naman, I mean wala naman sigurong masama na nagpa-picture sila, di ba?
“Pero sana naman huwag nilang pag-trip-an yung kapatid ko,” banggit pa ni Epy.
Saad niya, “Well, stay strong! Hang-on, hang in there. Stay strong.
“Pray ka lang muna ngayon. Hintayin natin talaga ang ibibigay na batas sa iyo.
“Pero as of now, let’s pray that he gets a lower charge.
“Ako mismo makakapagsabi na hindi naman pusher yung kapatid ko, user po, siguro… aamin pa ako, alam kong user si Mark pero hindi po pusher ang kapatid ko.
“Sana po, e, makita rin natin yung intensiyon nung bata, ni Mark, yung intensyon niya, kung bakit siya may ganun karaming hawak na marijuana, di ba?
“Pasalamat ako na gulong lang ang binaril.
“Nagpapasalamat ako sa kanila na naging maingat dun sa paghuli sa kanya, ginawa nila yung tamang proseso.