Nagkitang muli si Cloie Syquia-Skarne at ang biological father nitong si Gabby Concepcion pagkatapos ng matagal na panahon.
Ikinuwento ni Cloie ang pangyayari nang mag-guest siya sa morning talk show sa ABS-CBN, kasama ang half-sisters niyang sina KC Concepcion at Garie Concepcion.
Si Cloie ay anak ni Gabby sa dating asawang si Jenny Syquia, na pumasok din sa showbiz noong dekada '90.
Si KC naman ay anak ng dating matinee idol sa Megastar na si Sharon Cuneta, at si Garrie ay anak ni Gabby sa businesswoman na si Grace Ibuna.
Sa isang article na lumabas sa PEP.ph (Philippine Entertainment Portal) noong August 2013, sinabi ni Cloie na baby pa lamang siya nang huling beses niyang nakita niya si Gabby.
Sa kanilang muling pagkikita kamakailan, sinabi ni Cloie na ang Ate KC niya ang gumawa ng paraan upang magkita sila ng kanyang ama.
Kuwento niya sa Magandang Buhay, na umere ngayong Biyernes, October 14, “Actually, this week, something very special happened and we connected,.
“And thanks to KC, we actually saw each other again after very long time again.
“And so that was very special and a happy moment for me because growing up, I've always wondered what that moment would be like.”
Sinabi rin ni Cloie sa isang interview na maayos na sila ng kanyang ama.
Kasalukuyang nasa Pilipinas si Cloie para sa gaganaping Miss Earth 2016, kung saan siya ang kinatawan ng Sweden sa nasabing beauty pageant.
Naninirahan na sa Sweden si Cloie at ang ina niyang si Jenny, na kasal na sa Swedish na si Filip Skarne.