Pinagdetalye namin si Martin del Rosario tungkol sa pagpapa-drug test niya nang dalawang beses noong makausap siya ng PEP.ph (Philippine Entertainment Portal) kahapon, October 15, sa Cibo restaurant sa Gateway Mall, Cubao, Quezon City para sa gala premiere ng Ang Manananggal sa Unit 23B na pinagbibidahan nila ni Ryza Cenon.
Read: Martin del Rosario tests negative for illegal drugs
“Lahat negative.
“Kasi yung first test ko, for shabu at saka ano lang e, marijuana.
“Tapos the day after, pina-test nila ako ulit for cocaine, ecstacy, morphine, lahat-lahat.
Dagdag niya, “Sinabi sa akin ng ALV management [ALV Talent Circuit, his management company].
“Parang part na yun ng ano nila, e.
“Yung ALV, random nagpapa-drug test ng mga talents nila.
OUT OF CURIOSITY. Umamin naman si Martin na matagal na rin daw mula noong sumubok siya ng marijuana.
Aniya, “Parang mga weed-weed pero parang naki-ano lang.
“Pero ayoko, e. Naubo ako, sobra!
“Pag isang ganun ko, naubo ako, masuka-suka ako, ayoko na.”
Sabi niya, “Masisira yung buhay nila sa drugs!
“Kasi mawawalan ka na ng pera, tapos parang siguro baligtad yung araw mo, di ba?
“Yung pagod ka na aligaga na hindi mo maintindihan, di ba?”
DUE PROCESS. Pabor ba si Martin na basta ilabas ang listahan ng mga celebrities na nagdodroga diumano?
“Ako hindi ako pabor na ilabas yung list, kasi kung hindi siya verified...
“So public figure yung tao tapos mali pala yung bintang, kahit ano’ng mangyari, kahit mag-sorry pa, na nasabi yung pangalan mo diyan, nandun na yung damage.
“Ang hirap nang ibalik, so siguro bago nila ilabas yung list, i-verify muna, kasi I mean parang hindi fair sa marami,” diin ng Kapuso actor.