Ipinahayag ng It's Showtime host na si Billy Crawford ang kanyang paghanga sa natural na ganda ng kanyang long-time girlfriend na si Coleen Garcia sa isang Instagram post.
Kahapon, November 19, nag-post si Billy ng isang close-up photo ni Coleen na may caption na: "My beautiful angel! @coleengarcia the less make up you wear the more beautiful you are! I am so Blessed!"
Ang Instagram user na may handle name na @prettyluz2010 ay nag-iwan naman ng komento sa post ni Billy, na dapat daw ipaayos ni Coleen ang ilong nito, at inihalintulad pa sa kapwa aktres na si Isabel Oli.
Ang buong kometo: "Coleen rhinoplasty looks too thick and hard - she needs to repair that like Isabel Oli."
Hindi nag-atubiling magkomento si Billy, at sinabing hindi kailangan ni Coleen ang sumailalim sa plastic surgery.
Sabi ni Billy, "God made her that way @prettyluz2010 imperfections and all that's what I like about her, nothing should be changed :)"
