Nagsilang na si Georgina Wilson ng isang baby boy, na pinangalanang Archie, noong Miyerkules, December 14.
Kinumpirma ang magandang balitang ito ni Liz Uy, stylist at malapit na kaibigan ni Georgina, base na rin sa ulat ng preen.inquirer.net nitong Huwebes, December 15.
Samantala, nag-post naman sa Instagram ang kapatid ni Georgina na si Sam ng post-delivery photo ng model-TV host.
Dito ay makikita na kasama ni Georgina ang British husband niyang si Arthur Burnand, ang ina nitong si Aurora Diaz, ang kapatid ni Georgina na si Jessica Wilson, at pinsan na si Ava Diaz.
Ikinasal sina Georgina at Artur sa United Kingdom noong April 2016.
Dinaluhan ito ng mga malalapit na kaibigan ng model-TV host, kagaya nina Anne Curtis, Liz Uy, Solenn Heussaff, at Isabelle Daza.