Sunud-sunod ang posts ni Pia Wurtzbach, Miss Universe 2015, sa kanyang Instagram account ngayong Miyerkules, December 21.
Binalikan ni Pia ang pagkapanalo niya sa prestigious beauty pageant isang taon na ang nakalilipas.
Nasungkit ni Pia ang pangatlong Miss Universe crown ng bansa noong December 20, 2015 sa Las Vegas, Nevada.
Sa unang post niya, sinabi ni Pia na napagtanto niyang hindi lang personal achievement ang pagkapanalo sa international pageant.
“Throwback to the night that was about to change my life forever.
"Coming into the competition, I was ready to do my best to make my childhood dream come true. I really wanted to be Miss Universe.
“But as I was doing the years of training prior that night, I realized that there was something more to attain here than personal achievement.
“I wanted to proudly represent the Philippines and bring back home the crown.”
Sa isa pang post ni Pia, binanggit niya ang kanyang kontribusyon upang mabigyan ng pansin ang local Filipino designers pagdating sa international beauty pageants.
Hiniling daw niya sa national director ng Binibining Pilipinas Charities, Inc. na si Stella Marquez-Araneta na gawa ng isang Filipino designer ang isuot niya sa Miss Universe pageant.
Sinang-ayunan daw ito ni Mrs. Araneta, pero may kondisyon.
Sa loob ng maraming taon, ang Colombian na si Alfredo Barraza ang lumilikha ng gowns ng Philippine representatives sa Miss Universe.
“After years of saving my brownie points from Madam Stella (national director) she finally agrees.
“But on one condition, 'Just make sure you win.'
“After being doubted for my color of choice, (I was told nobody wears blue in competitions anymore) I stood by my gut feel and advance to the next round.”
Ang blue gown ni Pia sa Miss Universe ay nilikha ni Albert Andrada.