Sumabak na sa kanilang unang out-of-town activity ang ilang mga kandidata sa Miss Universe 2016.
Ngayong Sabado, January 14, bandang alas-8 ng umaga, lumipad patungong Boracay ang 16 na mga kandidata upang makisali sa weaving, fish house making, dragon boat, at photo shoot sa isa sa pinakamagandang tourist destinations ng bansa.
Kabilang sa kanila sina Miss Argentina Estefania Bernal, Miss Nicaragua Marina Jacoby, Miss Guyana Soyini Fraser, Miss Myanmar Htet Htet Tun, Miss Belize Rebecca Rath, Miss Australia Caris Tiivel, Miss US Virgin Islands Carolyn Carter, Miss Poland Izabella Krzan, Miss Honduras Sirey Moran, at Miss Namibia Lizelle Esterhuizen.
Kasama rin sa grupo sa Boracay sina Miss Mexico Kristal Silva, Miss Malta Martha Fenech, Miss Chile Catalina Caceres, Miss Costa Rica Carolina Rodriguez Duran, Miss Turkey Tansu Sila Cakir, at Miss Ecuador Francesca Cipriani.
Sa Shangri-La Mactan naka-check-in ang 16 na kandidata.
Mamayang hapon naman ay sasabak sila sa pictorial sa Bunga beach front.
Mamayang alas-5 ng hapon ay nakatakdang umalis ng Boracay ang mga kandidata upang bumalik sa Maynila.
Samantala, 84 ng mga kandidata ng Miss Universe ang nasa bansa.
Mamayang gabi naman ang dating ng mga kandidata mula sa Dominican Republic, Nigeria, at Colombia.