Kinilig daw ang international car racer na si Marlon Stockinger sa pag-amin ni Miss Universe 2015 Pia Wurtzbach tungkol sa tunay na estado ng kanilang relasyon.
Sa panayam ni Dyan Castillejo, na lumabas sa ABS-CBN News Online ngayong Huwebes, January 19, sinabi ni Marlon na hindi niya inaasahan ang pag-amin ni Pia sa publiko.
"I didn't expect it. But, yeah, sobrang kilig... for her to say that."
Ayon kay Marlon, nasa beauty queen na raw ang hinahanap niyang mga katangian sa isang nobya.
“Obviously, she's beautiful... But aside from that, she is unfiltered and really straightforward.
"Matalino siya, straight to the point. She is honest.
"Her eyes, wow... I feel like they're just penetrating, intimidating at first but... I feel like I can just look at them."
No dull moments daw kapag nagdi-date sila.
"One thing is she is really, really funny. I didn't expect that.
"Instead of laughing at one another, we laugh with each other," sabi pa ni Marlon.
WHEN IT STARTED. Ayon kay Marlon, matagal na silang magkakilala ni Pia dahil sa kanilang common friends.
September 2016 daw nagsimula ang kanilang relasyon sa New York, kung saan nakabase noon si Pia dahil sa kanyang Miss Universe duties.
Suportado raw ni Marlon ang mga gawain ng kasintahan bilang Miss Universe.
Aniya, "In the last few days, she is busy and I understand that...
“Whatever she wants to do, I understand.
"She's busy now and I'm happy for her success. I'm sure she would also do the same for me."
HAPPY IN HAWAII. Dahil pareho silang madalas bumiyahe sa ibang bansa, sinisiguro raw nilang maglaan ng oras para sa isa’t isa.
Katulad na lamang nitong selebrasyon ng Bagong Taon, kung saan magkasama silang nagbakasyon sa Hawaii.
Ipinakilala na rin daw ni Marlon si Pia sa kanyang pamilya.
Paglalarawan pa ni Marlon sa girlfriend, “It's so easy to like Pia. She has been perfect.
"What you see is what you get. She is 100% real.
"I'm very happy. I can't ask for more... It's just getting better and better...
"We haven't seen each other a lot but each time we do... it just keeps getting better.
"We are enjoying what we have and we take care of it.
"Pia Wurtzbach is... also mine."