Dahil nalalapit na ang Valentine concert ni Martin Nievera kasama si Lani Misalucha, naging nostalgic ito para sa mga concerts nila dati, tuwing February 14, ng ex-wife niyang si Pops Fernandez.
Sambit niya, “Palaging si Martin at si Pops kapag Valentine’s, hawak namin yun.”
Nami-miss ba niya ang mga concerts nila ni Pops?
“Hindi naman sa lungkot, pero nakikita kong nagbago na ang scene.
“Ever since na nag-break kami, and professionally, hindi siya active ngayon.
“Pero maniwala kayo, let’s say one of these Valentine’s, kung type niya ulit, I’m sure she’ll do that.
“Basta Martin and Pops, gagawin niya, alam niyang may following pa.
“And we owe it to our fans to keep them entertained, even together.
“It just so happens na iba na ang mundo ni Pops, iba na ang mundo ko.
“But never saying no to the possibility na puwedeng magkabalikan sa stage.”
Nakausap si Martin ng PEP.ph (Philippine Entertainment Portal) noong February 2, sa Solaire Resort Hotel & Casino, sa press conference ng Valentine concert nila ni Lani na Masquerade.
PROUD OF POPS. Masasabing bilang performer, semi-retired na nga si Pops, dahil mas off-cam na ang mga pinagkaka-abalahan ng singer, actress, at TV host.
At nakikita raw ni Martin na nag-eenjoy si Pops sa pagiging prodyuser.
“She likes to create, and she’s a good businesswoman.
“If we we’re still together now, I think I’ll still be very bankable if I had her as my business partner also.
“Hindi lang partner sa bahay, partner sa buhay, she’s very good.
“I didn’t know when we were together that she had this business sense—ang galing ni Pops talaga.
“She got me, in fact, to be a host of Miss Universe Auction night sa Conrad Hotel.
“Si Pops, ginawa niyang lahat. I’m very proud of her.”
Hiwalay man sila, tila mas okey ang relasyon nila Martin at Pops ngayon bilang magkaibigan at mga magulang ng dalawa nilang anak, sina Robin at Ram.
“Well, we didn’t start as lovers, e, we started as friends,” pagsang-ayon ni Martin.
“Always, kung ang foundation mo friendship, you’ll last forever.
“I married my best friend, so best friends pa rin kami, good friends.
“More than ever now, we’re also parents of our two children.
“They’re thirty and twenty-seven years old, but still, we have a responsibility as their parents.
“And in the world of show business, we still help each other out.”
PARENTING. Dahil nauwi sa hiwalayan ang kanyang marriage, may payo ba si Martin sa dalawang anak on how to make relationships work?
Tugon ng mahusay na singer, “Well, Robin got his own mind, his own thoughts.
“I think there’s a lot of me in him when it comes to taking care of his woman.
“Putting her on the pedestal, honoring her, I think these are some of the traits that I see in him.
“But when it comes to those decisions in marriage and long-distance relationship, all of it na dinaanan ko, he’s a lot wiser.
“Robin is a lot more laid back, I was too serious when I was his age, the complete opposite of me.
“When I was a young man, I think I missed out on a lot of things because I was too serious.
“You think you have to get married, you think you have to tell the press every detail, like I’ll never leave her.
“She’s the one and then, three months later, hiwalay, may problema."
Si Ram naman daw ay may sariling mundo, “He’s an animator. He’s a gamer."
“If you’ve ever met an animator, hindi ka puwedeng sabihan na nerd or weird.
“It’s a genius that we will never understand."
Paglalarawan ni Martin, na natural na makulay magsalita, “I was with Ram on his birthday, and the whole room was filled with Rams.
“Yung, ‘Hi, Mr. Nievera.’
"Yung salita ng mga gamers, parang anim rin sila.
“Sabi ko, ‘Ito pala yung mundo niya.’ Na-get ko na, but I cannot contribute.
“Wala akong alam sa mga video games, ako bumibili lang, tagabayad lang."
Kuwento pa nito, “Pero pagdating sa, ‘Dad, can you get me this computer? It has to have this kind of hard drive.’
“What the hell, ‘Send me a picture and copy-paste, padala ko sa store ‘yan!’”
DUETS WITH LANI. Samantala, sold out na raw ang unang gabi ng two-night Masquerade concert nina Martin at Lani, na magaganap sa February 14 at 15, sa Solaire Resort Hotel & Casino.
Ilang beses na rin daw silang nagkasama sa mga shows at concerts dito at sa ibang bansa.
Ayon pa kay Martin, naggi-guest din daw siya sa mga shows ni Lani at ganuon din ang bilitera sa mga concerts niya.
Ngunit ito pa lang daw ang concert na silang dalawa lamang ang featured artists.
“This is our first time,” lahad pa ni Martin, "Never na kaming dalawa lang, this will be the first.
“Kami ni Lani, we have the same musical path, but she’s more musically trained than I am.
“I never had an operatic training but the type of songs that we sing, yung very powerful ballads, parang pareho kami.
“It’s just a female and a male version, although we don’t do yung pang-sayaw na song.
“There’s fast song, pero parehong-pareho yung genre namin.”
Duet daw sila sa halos karamihan ng kakantahin nila ni Lani sa Masquerade.
Para kay Martin, iba kapag Valentine’s concert kahit halos sabay-sabay ang mga shows ng local at foreign singers sa araw na ito.
Paliwanag niya, “Yung mga solo concert ko, it’s about me.
“Martin’s year in the business, Martin trying new songs.
“Sa Valentine’s, I can guarantee all the other shows will be doing the same thing—ang star ng show is love.
“Love songs, throwback, the other woman, loyal wife.
“These are the songs that are sung and talked about.
“So, what’s interesting to do now is to choose the right songs para ma-enjoy ng mga lovers.
“Mga soon-to-be lovers, mga brokenhearted, lahat kasama.”