Masayang nakipag-bonding si Raymart Santiago sa kanyang mga anak na sina Sabina at Santino bago ang Valentine's Day.
Sa Instagram posts ng Kapuso actor, makikitang muli niyang nakasama ang kanyang mga anak sa aktres na si Claudine Barretto kahapon, February 12.
Ang unang larawan na nai-post ni Raymart ay may caption na "Sundate."
Pagkatapos ay nag-post siya ng video na kuha sa loob ng sinehan.
Kaninang umaga naman, February 13, makikita ang pagsasalu-salo nilang tatlo sa agahan, na naging espesyal dahil ito ay personal na inihanda ni Raymart.
Sa mga sumunod na post ay nakuhanan ni Raymart ang pakikipaglaro nina Santino at Sabina sa kanyang mga alagang hayop.
Ang bonding ng mag-aama ay tila patunay na alang-alang sa kanilang mga anak, kayang isantabi nina Raymart at Claudine Barretto ang kanilang mga di pagkakaunawaan.
Noong November 2016 ay nagkaroon ng bagong isyu sa pagitan ng dalawa dahil sa diumano'y pananakit ng “kamag-anak” ni Raymart sa siyam na taong gulang nilang anak na si Santino.
Bagamat may banta si Claudine na magsusumite ng pormal na reklamo laban sa mga nanakit sa kanyang anak, sa tingin naman ni Raymart ay hindi na dapat palakihin pa ang isyu.
Sabi niya sa nakaraang interview, “Away-bata ‘yan, ayusin na lang.’”
Noong nakaraang buwan naman ay tinawag ni Claudine ang kanyang estranged husband na si Raymart na "deadbeat dad."