Hindi pa rin tinatantanan ng bashers sina Mark Herras at Winwyn Marquez.
Kahit binigyang-linaw na ng aktor ang tungkol sa engagement at sa diumano’y pagbubuntis ni Winwyn, hindi pa rin tumitigil ang ilang netizens sa iba pang akusasyon laban kay Mark.
Sa post ni Mark sa Instagram noong Linggo, February 19, may nagkomento ritong isang netizen.
Pero binura na ng Kapuso star ang nasabing komento, pero makikita pa rin ang kanyang sagot dito.
May ilang fans si Mark na nagpayo sa kanyang huwag na itong patulan.
Pinayuhan din siya ng kaibigang si Yasmien Kurdi na huwag nang pansinin ang mga basher.
May isa ring netizen na nag-akusang wala raw ginastos si Mark sa Japan trip nila ni Winwyn.
Agad namang ipinagtagtanggol ni Winwyn si Mark.
Aniya, may trabaho ang kanyang nobyo para akusahang siya ang gumastos sa kanilang trip.
Ipinagtanggol din niya ang boyfriend laban sa akusasyong ginagamit lang ni Mark ang pangalan niya dahil laos na raw ito.
