Hindi pinalampas ni Jasmine Curtis-Smith ang komento ng isa niyang follower tungkol sa diumano’y blurred picture ng aktres sa Instagram, kahapon, May 21.
Sa post ng Kapatid star, makikitang naka-two-piece swimsuit siya, ngunit tila blurred sa bandang puwet niya.
Kasalukuyang nagbabakasyon si Jasmine sa Surigao del Norte kasama ang boyfriend nitong si Jeff Ortega.
May ilang netizens ang nagtanong kung bakit blurred ang bandang puwetan ng dalaga.
May isa namang nag-comment na baka raw sinadya ito ni Jasmine upang hindi makita ang kanyang “stretch marks.”
Binura naman kaagad ito ng nagkomento na si @glenda_julian, ngunit sinagot siya ng aktres.
Ayon kay Jasmine: “@glenda_julian i dont mind my strechmarks. They are part of who I am. No need for me to cover them up!”
Kaagad namang humingi ng dispensa ang netizen. Hindi raw niya intensiyong mang-insulto.
Mensahe niya kay Jasmine: “Yep that's why I said BAKA miss @jascurtissmith .. at maganda parin naman kahit meron, kasi ako meron din nian. And like you I don't mind to cover them. I don't have any intensions to insult or what. I am just sharing thoughts kung bakit nakablur. Maybe dahil sa tubig or un nga. Pls don't get mad I am one of your fan. ???? sorry kung naoffend kau sa comment ko…”
