Isinilang na ang pangatlong batch ng kambal na anak ng fragrance entrepreneur na si Joel Cruz sa Russia.
Isinilang ng parehong surrogate mother ng dalawang naunang kambal na anak ni Joel ang kanyang ikatlong kambal nitong Miyerkules ng gabi, May 24, sa Russia.
Ayon sa ulat ni Ahwel Paz ng dzMM, Prince Charles at Princess Charlotte ang ipinangalan ng negosyante sa bago nitong mga supling.
Katulad ng naunang dalawang kambal, sumailalim din ang parehong surrogate mother sa in vitro fertilization (IVF) para sa ikatlong set of twins.
2012 isinilang ang panganay na kambal, na pinangalanan ni Joel na Prince Sean at Princess Synne.
2015 naman nagsilang muli ang parehong surrogate mother ng kambal na lalaki, na pinangalanan ni Joel na Prince Harry at Prince Harvey.
