Nagsalita na ang award-winning director na si Erik Matti tungkol sa natanggap niyang batikos at mura mula sa mga tagasuporta ni Pangulong Rodrigo Duterte.
Nagsimula ito nang murahin ni Direk Erik sa kanyang Facebook post ang mga bumoto kay Duterte noong May 2016 elections, kasunod ng pagproklama nito ng martial law sa Mindanao dahil sa terorismong dulot ng ISIS-inspired Maute group.
Dahil dito ay inulan din siya ng mura sa kanyang Facebook.
Kinabukasan, May 25, isang mensahe ang ipinarating ni Direk Erik sa kanyang mga kritiko: “There is nothing wrong with being silent about things even when the country is in disarray. But to be silent and still criticize those who speak up is the height of apathy and cowardice.”
Sa comments section, sinabi pa ng direktor na naghayag lang siya ng kanyang pananaw, at bakit kailangan awayin ng mga tao ang mga nais lamang maghayag ng kanilang opinyon.
JIM PAREDES SUPPORTS ERIK MATTI. Kaugnay nito, isang kaibigan ni Direk Erik ang nag-tag ng artikulong nailathala sa PEP.ph (Philippine Entertainment Portal) tungkol sa pagmumura niya sa mga tagasuporta ni Duterte.
Nakisang-ayon naman ang isa pang kritiko ng Pangulo na si Jim Paredes sa direktor.
Mensahe ni Jim: “Salamat Erik! You said it for many people.”
Tugon ni Direk Erik: “I'm hoping to mature soon and be less passionate.”
Sagot dito ni Jim: “Lol. I will never mature.”
