Nahuli kagabi, June 3, ang ex-PBA player na si Paul "Bong" Alvarez, kasama ang dalawa nitong kaibigan sa Quezon City, na diumano'y gumagamit ng shabu
Ex PBA player Paul Alvarez at 2 iba pa naaktuhang gumagamit ng shabu sa isang boarding house sa Anonas, QC pic.twitter.com/b5xikwWyk0
— Angel Movido (@angelmovido) June 3, 2017
Sa panayam ni Paul sa DZBB reporter na si Sam Nielsen, inamin nitong nagpa-pot session sila ng mga kaibigan nang dumating ang mga pulis.
Paul Alvarez, inamin sa GMA News na nagpa-pot session sila sa isang barbershop sa Quezon City. | @dzbbsamnielsen pic.twitter.com/dsQSfvpslO
— DZBB Super Radyo (@dzbb) June 3, 2017
Taliwas ito sa sinabi niya sa ABS-CBN News correspondent na si Angel Movido kung saan mariing itinanggi ng retired basketball player na gumagamit siya ng ipinagbabawal na gamot.
Aniya, "Na-corner lang talaga ako dahil dala nga nila yan 'tapos pahihiramin nila ako ng dalawang libo, ganun lang po yung nangyari."
Dagdag pa ni Paul, matagal na raw niyang itinigil ang bisyong ito.
Aniya, "Matagal na po, 2011 pa po."
Sa pagpapatuloy ng panayam, sinabi ni Paul na na-set up lamang siya ng kanyang mga kaibigan.
"Actually, nananahimik po ako sa Valenzuela, tignan niyo yung itsura ko," kuwento pa nito.
"Nakatsinelas lang ako. Sinundo lang po nila ako, Ma'am.
"Na-set up po ako ni Mike at saka ni ano..."
Ex-PBA player Paul Alvarez, todo tanggi na nahuling nagshashabu; iginigiit na naset-up lamang ng mga kaibigan | via @angelmovido pic.twitter.com/K4BY5k0s12
— ABS-CBN News (@ABSCBNNews) June 3, 2017
Nitong nakaraang April 23, inaresto rin ang dating basketball player sa Baguio City dahil naman sa reklamong pananakit sa kanyang live-in partner na nagngangalang Mary Ann Dungca Ting.
Matatandaang naglaro si Paul sa PBA para sa mga koponan ng Alaska (1989-1992), Sta. Lucia (1993), Shell (1994-1995), San Miguel (1995-1996), at Ginebra (1998).