Ayaw muna ni Sanya Lopez na bigyan ng ibang kahulugan ang pagiging malapit nila ngayon ni Rocco Nacino.
Ilang fans kasi ang nakapansin sa sweet photos nilang dalawa nang mag-show sila sa Canada noong nakaraang buwan.
Pero para kay Sanya, mabuting magkaibigan lamang ang relasyon nila ngayon ng kapareha niya sa Encantadia.
Sabi ng Kapuso actress, “Ano lang yun, yung sweet shoot na yun, okay lang naman.
“Ano lang, para sa mga sumusuporta sa RocSan at DanQuil fans 'yon, para mas mapasaya namin.”
Para sa fans ng love team nila ni Rocco, ito naman ang sabi ni Sanya, “Huwag muna bigyan ng kulay. Sa ngayon, masaya kami ngayon and we're friends.”
Pagkatapos ng Encantadia, muling magtatambal sina Sanya at Rocco sa upcoming drama series na Haplos.
PEP Live