Natuto na raw si Piolo Pascual kung paano i-handle ang kanyang mga kritiko o bashers sa social media.
Pero aminado ang Kapamilya heartthrob na naaapektuhan pa rin siya ng mga ito.
“Sometimes I get caught by my emotion, but you don’t want it to get the better of you because, at the end of the day, you want to be the better person,” sabi ni Piolo.
Dugtong pa niya, mas makabubuting isipin na lang na may pinagdadaanan ang bashers, wala silang magawa, o kaya ay sadyang masama ang ugali ng mga ito.
Nakausap ng PEP.ph (Philippine Entertainment Portal) si Piolo sa launching niya bilang celebrity ambassador ng Optical Media Board (OMB), na ginanap sa B Hotel, Quezon City, Miyerkules, June 14.
Sa kabila ng adbokasiya niyang maging boses ng OMB upang malabanan ang piracy at iba pa niyang adbokasiya, mayroon at mayroon pa ring pupuna sa kanya.
Ano ang masasabi niya sa kanyang detractors?
“Bahala sila sa buhay nila!" natatawang sagot ni Piolo.
“At the end of the day, as long as I know I’m doing what is right, what is legitimate and to advance a cause to raise awareness, use your celebrity status for a good cause, I don’t think I should be affected by those people who insinuate something that is not true.
"Because, at the end of the day, ako naman ang magiging judge ng sarili kong actions.
“So if you have something bad to say, then that is your problem.”
OMB AMBASSADOR. Si Piolo ang kauna-unahang celebrity ambassador ng OMB, ang ahensiya ng pamahalaan na naatasang labanan ang piracy ng recording media (TV, movies, music) at pangalagaan ang intellectual property rights ng mga ito.
Sabi ng aktor, paraan niya ito upang gamitin sa kabutihan ang kanyang celebrity status.
(CAPTION: Piolo Pascual showing the memorandum of agreement he signed as the ambassador of Optical Media Board. Together with him are [L-R] Atty. Victor Luis Padilla II, OMB executive director and Atty. Anselmo Adriano, OMB chair and CEO / Photo by Noel Orsal)
“Being in this business for a long time, I think it entails responsibility also to do what we have to do to protect our content, to protect whatever work we have.
“And being a businessman myself, ito na siguro ang magiging advocacy ko in this business, because it’s important for us to raise awareness using your celebrity status.
“This is for me one of the privileges of being an actor na puwede mong gamitin to advance to whatever cause you may have and just for protection also,” sabi ni Piolo, na isa ring film producer.
Inamin ng Kapamilya actor na wala siyang bayad bilang OMB ambassador.
“This is definitely for free. This is just an advocacy.
“Yung mga ganitong causes naman, hindi mo na kailangang pag-isipan.
“Being in this industry, to be tapped by this agency, is a privilege for me already, not just being an ambassador of ABS-CBN or the entertainment industry in general.”