Muling naglabas ng kanyang pagkadismaya ang direktor na si Erik Matti sa proseso ng pagpili sa unang apat na official entries para sa Metro Manila Film Festival (MMFF) 2017.
Sa pagkakataong ito, kinuwestiyon ng batikang direktor ang MMFF Executive Committee dahil tumanggap daw ito ng 22 pang ibang scripts gayong alam na nila ang apat na pelikulang pipiliin.
Ang unang apat na official entries sa MMFF 2017, na pinili base sa "script selection," ay ang mga sumusunod: Ang Panday (CCM Creative Productions, Inc), The Revengers (Star Cinema and Viva Films), Almost Is Not Enough (Quantum & MJM Productions), at Love Traps #FamilyGoals (Octo Arts Films).
Sa kanyang tweets noong Miyerkules, July 4, sinabi ni Direk Erik na “rigged” at may kaakibat na “fraud” ang pagpili sa apat na MMFF official entries:
If the #MMFF2017 selection process was rigged. Then the Execom members, even if they claim ignorance of it, are as guilty as the plotters.
— Erik Matti (@ErikMatti) July 4, 2017
26 scripts ang tinanggap at 30k pesos per script, 22 na reject. Pero alam na nila ang apat na tatanggapin. Do the math. #MMFF2017 #rigged
— Erik Matti (@ErikMatti) July 4, 2017
660k pesos ang kinuha nila sa 22 scripts na rejected. Pero kung alam na nila ang magic 4 bakit pa nangimbita sa iba? #fraud #MMFF2017
— Erik Matti (@ErikMatti) July 4, 2017
I am not anti-commercial. I am pro-quality. I am not pro-indie. I am anti-corruption. #MMFF2017
— Erik Matti (@ErikMatti) July 4, 2017
Kabilang ang pelikula ni Direk Erik na Buy Bust, na pinagbibidahan ni Anne Curtis, sa mga hindi napiling entry.