Ibinahagi ng Kapamilya TV host-actress na si Alex Gonzaga ang naging karanasan niya sa isang Korean restaurant, kung saan sinigawan umano sila ng manager/owner nito.
Ayon sa ASAP host, kumain sila ng mga kaibigan niya sa isang Korean resto sa may Metrowalk, Pasig, noong July 6 ng gabi, Huwebes.
Masyado raw mataba ang beef belly na nai-serve sa kanila, kaya pinapalitan niya ito sa waiter.
Ngunit hindi raw ito nagustuhan ng owner/manager at sinigaw-sigawan sila nito.
Lahad ni Alex, “Ate in Ye Dang Metrowalk a while ago, I asked the waiter to change our beef belly order with less fat then the Korean manager/owner started attacking our table.
“She kept on shouting at us while explaining that they can’t do that. My friends and I also observed how rude they treat their servers.”
Hindi raw napigilan ni Alex ang kanyang sarili at tinawag niya ang atensiyon ng manager/owner.
Sinabihan daw niya itong huwag maging bastos sa kanilang mga customer.
“I called the Korean manager and told her she should not be rude to any customers especially when she’s in the Philippines coz we are all hospitable and caring to everyone here.
“It’s because of us that’s why they have their business and they are earning.”
Pinaalalahanan din ni Alex ang kanyang followers na huwag magpaapi sa mga banyaga, lalo na kapag nasa sarili nating bansa.
Lesson: don't let anyone especially foreigners disrespect you in your own country. pic.twitter.com/RwT0SYPYws
— Alex Gonzaga (@Mscathygonzaga) July 7, 2017