Walang negosasyon at walang offer kay Kris Aquino para magbalik sa ABS-CBN, ito ang kinlaro ng Queen of All Media via social media matapos magtanong ang isang netizen kung babalik ba siya sa dating home network.
Bagkus, digital media ang pagtutuunan ng pansin ng TV host-actress.
Sa isang recent Instagram post, tinanong ng user na si @ice_0123 kung may katotohanan ang bali-balitang babalik siya sa bakuran ng ABS-CBN.
Sagot ni Kris, “no talks, no offer, Sorry... I am doing more digital work w/ 2 other blue chip Filipino conglomerates & an exciting YouTube project, and starting to shoot for my @iflix.ph project very soon."
September noong nakaraang taon nang kumpirmahin ang paglisan ni Kris sa ABS-CBN matapos ng tinatayang dalawang dekadang pagiging Kapamilya.
Hindi naman ito ang unang pagkakataon na tinanong si Kris o lumutang ang bali-balita tungkol sa kanyang pagbabalik sa ABS-CBN mula nang lisanin niya ang TV network.