Miss na miss na raw ng singer na si Jovit Baldivino ang anak nila ng dating non-showbiz girlfriend na si Shara Chavez.
Ito ang naging laman ng maiksing mensahe ng kauna-unahang Pilipinas Got Talent grand winner para kay Baby Keya, na nagdiwang ng kanyang first birthday kamakailan.
Nag-post si Jovit sa Facebook ng larawan niya hawak-hawak ang anak.
Sa caption nito, sinabi ng singer, “Happy 1st Birthday anak, Mahal na mahal ka nang daddy kahit ano mangyari, sobrang miss na miss kana nang daddy mo, iloveyou Keya bunday...”
Noong July 29, ipinaghanda ni Shara si Baby Keya para sa una nitong kaarawan.
Sa panayam ng PEP.ph (Philippine Entertainment Portal), inilahad ni Shara kung paano niya pinaghandaan ang selebrasyon.
“Ako po lahat nag-prepare, kumakausap sa suppliers,” sabi niya.
Nagpasalamat din si Shara dahil nakayanan daw niya itong gawin sa kabila ng pagiging single mother ngayon.
Pahayag niya, "Blessed po ako sa kanila kasi alam nila sitwasyon ko ngayon as a single mom na mag-isang tinataguyod si baby, tapos nabigyan ko pa siyang ng masayang party.”