Randy Santiago's 24-year-old son passes away

Pumanaw na ang pangalawang anak ni Randy Santiago na si Ryan Leonardo Santiago, nitong Linggo ng gabi, August 13.

Si Ryan ay 24 years old.

IMAGE Courtesy: Facebook of Ryan Leonardo Coronel Santiago

Ayon sa tiyuhin ni Ryan na si Reily Santiago, ang kanyang pamangkin ay mayroong rare brain disease at multiple sclerosis.

Taong 2015, sumailalim sa isang operasyon si Ryan dahil sa isang fungal virus.

Bukod kay Ryan, may dalawa pang anak si Randy at asawa nitong si Marilou Coronel—sina Raphael at Raiko.

Agad namang bumuhos ang pakikiramay mula sa malalapit na kaibigan ng pamilya Santiago dahil sa pagpanaw ni Ryan.

Narito ang ilan sa kanila:

My heart broke over the passing of Randy and Marilou Santiago's son Ryan. Gone way too soon. Couldn't stop crying when Gary & I prayed. ????????????????

— Angeli P Valenciano (@AngeliPV) August 13, 2017

Pati ang Concert King na si Martin Nievera ay nagpaabot din ng mensahe ng pakikiramay sa pamilya, na idinaan niya sa comment sa Facebook post ng talent manager na si Noel Ferrer.

Na-cremate na ang mga labi ni Ryan kagabi rin, August 13.

Magsisimula naman ang burol sa La Salle Greenhills Chapel mamayang gabi, August 14.