Hindi raw naiinggit o nagseselos si Paulo Avelino sa closeness ng anak niya kay LJ Reyes sa boyfriend ngayon ng aktres na si Paolo Contis.
Pahayag ng Kapamilya actor, "Kumbaga, may mga oras din naman para makasama ko yung anak ko.
“Hindi ko rin naman masabi kung anong mga nangyayari sa mga side nila.”
Sa hiwalay namang panayam ng PEP.ph (Philippine Entertainment Portal) kay LJ, sinabi nitong hindi pinapalitan ni Paolo si Paulo bilang totoong ama ng bata.
Sabi rin ni Paulo tungkol dito, “Alam naman ng bata na ako yung tatay niya.
"Kumbaga, hindi ko naman... wala naman akong sinasabi or, kumbaga, ayun lang.
"At the end of the day, gusto ko masaya yung bata.”
Pitong taong gulang na ngayon ang anak nina Paulo at LJ.
Kung si LJ ay nakahanap na ng bagong pag-ibig sa katauhan ni Paolo Contis, si Paulo ay masaya na rin sa piling ng kanyang model-girlfriend na si Jodie Elizabeth Tarasek.
Itinuturing nga niyang “blessing” ang kanilang relasyon.
Masaya rin ang aktor dahil ipapalabas na ngayong Setyembre ang matagal na nilang nagawang teleserye, ang The Promise of Forever, kasama sina Ritz Azul at Ejay Falcon.
Sa digicon na ginanap kanina, August 29, masayang ikinuwento ng tatlo ang shooting nila sa Eastern Europe na umabot ng halos tatlong linggo.
