Noven Belleza on sexual-assault case: "Iyon ay pagsubok lamang sa buhay."

IMAGE Noel Orsal

Noven Belleza on withdrawal of sexual-assault case against him: "Walang tao na walang dumarating na pagsubok sa buhay nila. Hindi naman ibibigay ni Lord 'yan kung di natin kayang lagpasan."


Pagsubok na lamang sa buhay kung ituring ng singer na si Noven Belleza ang sexual-assault case na isinampa laban sa kanya ng isang 19-year-old complainant mula sa Cebu.

Ngunit noong nakaraang linggo lamang ay iniurong na ng complainant ang kaso laban sa “Tawag ng Tanghalan” champion, para na rin daw sa ikatatahimik ng kalooban niya at ng kanyang pamilya.

Nagpahayag naman ng kasiyahan si Noven na natuldukan na ang mabigat na kaso.

“Ayun, sobrang saya,” sambit niya.

“Iyon ay pagsubok lamang sa buhay na lahat ng tao nakakaranas.

“Walang tao na walang dumarating na pagsubok sa buhay nila.

“Hindi naman ibibigay ni Lord 'yan kung di natin kayang lagpasan."

Labis naman ang pasalamat ni Noven sa kanyang pamilya at sa pamunuan ng It’s Showtime at ABS-CBN dahil sa suportang nakuha niya sa mga ito.

Saad niya, “Sobrang thankful ako, nandiyan ang mga staff, ABS-CBN, hindi nila ako binitawan.

“Malaki ang naging papel nila para palakasin ang loob ko, lalung-lalo na sa pamilya ko. Sa Panginoon, maraming-maraming salamat.

“Inspirasyon ko ang pamilya ko pa rin.

“Kasi maraming dagok, pagsubok ang dumating sa buhay ko, unang-una talaga na malalapitan pamilya ng kahit na sinong tao.”


Stories We Are Tracking

Noven Belleza arrested in Cebu for alleged rape
Noven Belleza arrested in Cebu for alleged rape
"Tawag ng Tanghalan" champ Noven Belleza faces rape complaint
Prosecutor downgrades Noven Belleza case to sexual assault
Prosecutor downgrades Noven Belleza case to sexual assault
Complainant withdraws case against singer Noven Belleza
Complainant withdraws case against singer Noven Belleza

Nakausap ng PEP.ph (Philippine Entertainment Portal) si Noven sa contract signing nito sa Star Records, sa SRI conference room ng Star Cinema office, ngayong Huwebes, September 7.

Kasama niyang pumirma ng recording contract ang kapwa niya “Tawag ng Tanghalan” contenders na sina Sam Mangubat at Mariel Montellano.

Ilalabas ang kauna-unahang album ni Noven sa ilalim ng Star Records, ang Ako’y Sa Iyo, ngayong Setyembre.

NOVEN’S FAMILY. Ayon kay Noven, hindi pa niya nadadala sa Maynila ang pamilya niya na nasa Negros Occidental.

Aniya, “Ang pamilya ko, mga magulang ko, nasa Negros pa rin sila, kasi mga kapatid ko nag-aaral.

“Kung ililipat ko sila nang biglaan, yung mga kapatid ko, sanay kasing nagsasalita ng Ilonggo, mag-a-adjust pa sa Tagalog, kaya mahihirapan silang mag-aral dito.”

ADVERTISEMENT - CONTINUE READING BELOW

Aminado ang singer na napakalaking pagbabago sa buhay niya ang tanghalin siyang Tawag ng Tanghalan first grand champion.

“Ako, alam niyo naman dati, na simpleng tao, magsasaka kami ng papa ko.

“Ngayon, sobrang nabago ang buhay ko.

“Dati, hindi namin alam kung saan namin kukunin ang pangangailangan namin sa araw-araw.

"Pero ngayon, nabago na. Nabibigay ko na ang mga pangangailangan ng magulang ko.

“Hindi na sila nagtatrabaho nang sobra-sobra sa katawan nila, dahil ngayon natutulungan ko na sila, lalo na mga kapatid ko.”

Nagbigay naman ng mensahe si Noven sa lahat ng mga sumusuporta at nagmamahal sa kanya.

“Sa lahat ng Novenatics, sa pamilya ko, sa lahat ng mga taong sumusuporta sa akin na di ako binitiwan anumang mga pagsubok ang dumating sa buhay ko—maraming-maraming salamat po.

“Heto na po ang pinakahihintay natin, sana po suportahan ninyo po ako.”


Stories We Are Tracking

Noven Belleza asserts innocence in sexual assault case
Noven Belleza asserts innocence in sexual assault case
Alleged details in rape complaint vs Noven Belleza come out
Alleged details in rape complaint vs Noven Belleza come out
Vhong Navarro reacts to Noven Belleza's sexual assault case
Vhong Navarro reacts to Noven Belleza's sexual assault case
Vice Ganda speaks up on Noven Belleza sexual assault case
Vice Ganda speaks up on Noven Belleza sexual assault case


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN