“Clean fun.”
Ganito inilarawan ng isang malapit na kaibigan nina John Lloyd Cruz at Ellen Adarna ang apat na araw na bakasyon nila sa Virgin Island, Sta. Fe, Bantayan Island, Cebu, mula September 7 hanggang 10.
Naging viral sa social media ang photos at videos ng bakasyon ng dalawang Kapamilya stars, kasama ang ilang kaibigan.
Ito ay dahil hindi tipikal na John Lloyd ang napanood dito, kundi tila isang normal na taong nag-e-enjoy kasama ang barkada.
Makikita sa videos na kumakanta, sumasayaw, at nakikipaglaro ang Kapamilya actor kay Ellen at sa iba pa nilang kasama.
Ngunit umani ng negatibong reaksiyon mula sa netizens ang ilan sa viral videos na ito, partikular na ang pagsasayaw, pagkanta, at pagpapa-picture sa tabi ng gasul ni John Lloyd.
Espekulasyon ng ilang netizens na nagkomento sa videos na ito, tila "lasing" ang aktor nang mga sandaling iyon.
Pero giit ng isa sa mga kasama nina John Lloyd at Ellen sa naturang bakasyon, masaya lamang ang aktor.
Nagawa raw kasi nito ang ilang bagay na hindi nito karaniwang nagagawa bilang isang sikat na aktor.
Sabi ng source, na nakapalitan ng mensahe ng PEP.ph (Philippine Entertainment Portal) ngayong Lunes, September 11, “Sobrang kalog lang niya.
“Wala. Clean fun lang talaga yun. I can assure you of that.”
Dagdag pa niya, “He’s very happy lang to do normal things na nagagawa ng isang ordinaryong tao.
“Namalengke siya at nakakapaglakad siya na di pinagkakaguluhan ng mga tao.”
Ayon pa sa source, sinulit daw ni John Lloyd ang apat na araw na bakasyon nito mula sa kanyang showbiz commitments.
“Super-duper very happy lang siya sa vacation niya at sobrang nag-enjoy siya.
“Four days lang and sobra siyang na-relax sa vacation niya.
"Happy lang kami lahat dun kasi walang nanggulo or whatsoever."
NOT CONFIRMING NOR DENYING. Ayon sa isa pa nilang kasama sa bakasyon, wala raw magandang sinabi ang mga nagkokomento tungkol kay John Lloyd.
Inakusahan pa raw nilang "sabog" o "bangag" ang aktor sa ipinagbabawal na gamot.
Sabi ng pangalawang PEP source, “Aga-aga sa morning, nag-cook kami breakfast. Then, sabog kaagad? Ang sabi nila.
“Di mada mura buang bashers. [Hindi makumbinse, parang mga baliw ang mga bashers.]”
Tinanong din namin ang nasabing source kung sina John Lloyd at Ellen na nga ba.
Sagot niya, “Not confirming nor denying anything.
“We’re just all friends. Like, naging super close friends kami lahat.
“They have nothing to confirm, so wait na lang tao sa susunod na kabanata.”
Ayon naman sa pangatlong PEP source, na kasama rin sa naturang bakasyon, “Super-duper ang saya ni JL. At supah nice siya at mabait.”