Labis daw ikinagulat ni Morissette Amon ang mainit na pagtanggap ng mga taga-South Korea sa kanya sa Asia Song Festival 2017, na ginanap sa Busan, South Korea, noong huling linggo ng September 24.
Ang 21-year-old Kapamilya singer ang kinatawan ng Pilipinas sa annual song festival na ito na gianaganap sa South Korea.
Kabilang sa iba pang artists na nag-perform sa Asia Song Festival 2017 ay ang sikat na K-Pop acts na EXO, Mamamoo, Dynamic Duo, at si Taeyeon ng Girls' Generation, pati na ang Swedish singer-songwriter na si Zara Larsson.
Naging viral ang video ng performance ni Morisette ng mga kantang “Secret Love Song” ng Little Mix, “Best of My Love” ng The Emotions, at "Emotion" ni Mariah Carey.
Marami ring Pinoy ang humanga sa galing niyang kumanta.
Pahayag ni Morissette, “Of course, it's a dream come true to perform for another audience, for a bigger audience.
"I'm just really, really grateful na nangyari po yun.”
Patuloy niya, “Ako, unang-una, I'm just very happy na I made a lot of Filipinos proud.
"I mean, yung feedback nila sa videos na yun...
"Kahit wala sila, siyempre nanonood sila, nag-download sila ng V Live para mapanood mismo ang Asia Song Festival.
“Just to get the feedback na masaya naman ang bansang Pilipinas, na ako po ang nakapag-represent and to give that kind of performance, parang okay na okay na sa akin.”
Nakausap ng PEP.ph (Philippine Entertainment Portal) si Morissette sa press conference para sa Himig Handog 2017, nitong Huwebes, October 12.
Dahil sa positibong pangyayari, may balak ba siyang subukang magkaroon ng international career?
“We're planning,” nakangiting sagot ni Morissette.
“We're hoping and praying na maging okay po lahat.
“Right now, we're trying to get into an international career.
“Hopefully, it will happen very, very soon.”
Tumanggi munang magbigay ng anumang detalye ang “Akin Ka Na Lang” singer tungkol dito.
Sabi niya, “I can't share yet, pero it's something big, it's something na hindi ko ine-expect na mangyari.
“Right now, I'm hoping for the best and sana maging okay ang lahat.”
HIMIG HANDOG 2017. Samantala, habang naghihintay ng announcement tungkol sa international singing career niya, inanyayahan muna ni Morissette ang kanyang fans na tangkilikin ang kantang in-interpret niya para sa sa Himig Handog 2017.
Ito ay ang “Narinig Mo Na Ba?”
Ikatlong pagkakataon na ito ng dating The Voice contestant para maging interpreter sa annual songwriting contest ng ABS-CBN.
Para sa kanya, isa ito sa mga ikinararangal niyang gawin.
Saad ni Morissette, “Very happy po ako kasi ang daming artists po talaga ng Star Music.
"Pero nung shinare po sa akin nina Kuya Jonathan [Manalo] and Sir Roxy [Liquigan] na nung narinig nila yung 'Naririnig Mo Ba?', ako yung na-imagine nila to sing the song.
“Of course, I'm very, very, grateful and fortunate to be chosen to interpret again.
“Pero iba din yung concept niya, iba rin yung atake niya from my previous entries in the last couple of years.
“I'm so excited to sing it this Sunday, live for the first time.”
Sa palagay kaya ni Morissette ay magiging isa rin itong hit song, katulad ng naging signature song niyang “Akin Ka Na Lang”?
Ang “Akin Ka Na Lang” ay mula sa Himig Handog P-Pop Love Songs 2014.
Ang sumunod niyang kanta mula sa Himig Handog ay ang “Diamante,” na in-interpret niya noong 2016.
Tugon ni Morissette, “I hope so, sana tumatak pa rin siya sa mga tao.
“Pero natutuwa ako kasi, as early as now, parang yung mga supporters din, gumagawa sila ng pa-memes, pa-joke na, 'Huwag, huwag, huwag.'
“In that sense, it means naalala nila yung song or yung title ng song.”
Dagdag pa niya, “For me, ang laki ng utang ng loob ko talaga sa very first song ko.
“I'm just really happy na to be able to interpret again.
“Another beautiful song, another something to share to everybody.
"Yun, sana mabigyan ko ng justice, live."