Nakipagpalitan ng komento si Ina Raymundo sa isang netizen matapos siyang punahin nitong "malaki ang puson."
Nitong weekend ay nag-post si Ina sa Instagram ng maiksing video ng pagrampa niya.
Nagkomento rito ang IG user na si @jen_florentino: "Malaki puson niya."
Hindi ito pinalampas ng 41-year-old actress.
Buwelta ni Ina sa netizen: “So ano ngayon?”
Sagot naman ng netizen, maganda pa rin daw ang La Luna Sangre actress, subalit “malaki naman talaga” ang puson nito.
Hamon ni Ina sa basher, "Your tummy must [be] so flat. Let me see."
Sagot ng netizen, “For sure.”
Sinabi ni Ina na tiningnan niya ang profile picture ng netizen at ginamit pa ang hashtag na “#angperfectmo”
Muling sumagot ang basher at sinabing walang sinuman ang perpekto.
Pinaalalahanan din niya ang aktres na dapat ay handa itong tumanggap ng pagpuna kapag nag-post ito ng kanyang mga larawan sa social media.
Maikling sagot ni Ina, “Oh I’m having a blast!”
Samantala, in-edit ni Ina ang caption ng kanyang post at dito'y siya na mismo ang tumukoy sa kanyang puson.
Aniya, "Peeps! I’m not preggers! The reason I have a bulge in my tummy is because I haven’t exercised since Tuesday!"
Hindi ito ang unang pagkakataong nakaranas ng panlalait mula sa netizens si Ina.
Taong 2015, nag-post si Ina ng larawan niyang naka-one piece bikini.
Ilang netizens ang nagsabi sa aktres na maitim ang kanyang kili-kili.
Hamon naman ni Ina: "Patingin ang mga kili-kili n'yo."