Nag-react si Pauleen Luna sa isang basher na iniintriga ang bagong silang niyang anak at ibang mga anak ng mister niyang si Vic Sotto.
Bukod sa anak nila ni Pauleen na si Talitha, ang iba pang mga anak ni Vic ay sina Danica at Oyo mula sa una niyang asawa na si Dina Bonnevie; si Vico na anak niya kay Coney Reyes; at si Paulina na anak niya sa dating aktres na si Angela Luz.
Nitong weekend ay nag-post si Pauleen sa Instagram ng larawan ng baby girl nila ni Vic nang makauwi na sila ng bahay.
Nanganak ang 29-anyos na actress-TV host noong November 6, Lunes.
Comment ng netizen na si @ruffapips19: “Bakit hndi yata dinadalaw ng mga ibang anak ni bossing? Im sure their jealous...”
Hindi ito pinalampas ni Pauleen.
Buwelta niya: “Sino naman nagsabi sayong hindi nila dinalaw kapatid nila?”
Sa hiwalay na Instagram post ni Oyo Sotto, ibinahagi niya ang mga larawan ng kanyang pagdalaw sa bagong silang na kapatid nitong Linggo, November 12.
Makikita rin sa post ni Oyo na kasama niyang bumisita ang asawang si Kristine Hermosa.
Samantala, sunud-sunod naman ang komento ng netizens upang ipagtanggol si Pauleen laban sa basher:
