Nagkakahalaga ng higit USD12,000 o PHP613,500 ang korona ng Miss Reina Hispanoamericana, na isinuot ni Teresita Ssen Marquez nang manalo siya sa Bolivia noong November 4.
Pero ang bitbit ni Teresita Ssen—dating nakilala bilang Winwyn—sa pag-uwi niya rito sa Pilipinas ay replica lang ng tunay ng korona, pero malaki pa rin ang halaga nito.
Sabi ng Pinay beauty queen sa isang TV interview, “This crown is actually a replica.
"But it’s real, it’s worth 7,000 dollars [PHP357,875].
“The real one has to stay in Bolivia.
“It’s a little bigger and it costs $12,000.”
Ang replica crown ni Teresita Ssen ay gawa sa tunay na rubies, diamonds, at silver.
Kaya kabilin-bilinan ng pageant organizers na alagaan at protektahan niya ang dalang korona.
“Sabi sa akin doon, ‘Please take care of the crown. Take care of it more than your life.’
“Sabi ko, yes, kaya hawak-hawak ko siya kahit saan ako pumunta.
“The real crown has to be in Bolivia.
“But if the organization comes here, they’re going to bring the real crown.”
Bukod sa korona, nakatanggap din ng cash prize si Teresita Ssen bilang Reina Hispanoamericana 2017, pero confidential daw kung magkano ito.
Nanalo rin ng ilang appliances, gowns, at iba pang prizes ang Pinay beauty queen bilang Miss Reina Hispanoamericana.
“I had to leave them in Bolivia kasi hindi kayang dalhin dito,” sabi ni Teresita Ssen.