Hindi ikinahiya ni Maine Mendoza na ipakita ang kanyang “tyan na malaki” sa kabila ng mga papuring natanggap niya sa kanyang pagrampa sa underwear fashion show ng isang kilalang clothing brand sa bansa.
Sa kanyang Twitter account, ilang beses nag-post si Maine at ipinahayag ang kanyang “imperfection” na lalo namang ikinabilib ng kanyang fans.
Isa sa main highlights ng Bench Under The Stars 30th anniversary fashion show ay ang pagrampa ng Kapuso artist nitong Sabado, November 18, sa Mall of Asia Arena, Pasay City.
Sa kanyang unang tweet pagkatapos ng show, pinasalamatan ni Maine ang mga sumigaw para sa kanya.
Tweet ng 22-anyos na aktres, “Omg thank you very much for the support guys! This is so surreal! Pero hiyang hiya ang tyan kong malaki.”
Ginamit din niya ang hashtag na #wapakels.
Omg thank you very much for the support guys! This is so surreal! Pero hiyang hiya ang tyan kong malaki. ???? #wapakels #MAINExBenchUndersTheStars #Bench30Years
— Maine Mendoza (@mainedcm) November 18, 2017
Sumagot din sa Maine sa tweet ng GMA News na nag-tweet tungkol sa kanyang “toned abs.”
Sagot ng aktres, “asan yung toned abs, eme!”
asan yung toned abs, eme!
— Maine Mendoza (@mainedcm) November 18, 2017
Sa kanyang ikatlong tweet, ipinakita ni Maine ang picture ng kanyang bilbil habang suot ang damit na inirampa sa fashion show at ikinumpa pa ito sa palaman sa tinapay.
Peanut butter ang peg? Hahah pic.twitter.com/j3Udxa5uKU
— Maine Mendoza (@mainedcm) November 18, 2017