Pinawalang-bisa na ang driver's license ng aktres na si Maria Isabel Lopez.
Ito ay dahil sa kanyang paglabag sa batas-trapiko noong ASEAN (Association of South East Asian Nations) Summit na ginanap dito sa Pilipinas.
Ngayong Lunes, November 27, sinabi ng Land Transportation Office (LTO) na effective immediately ang desisyon ng ahensiya na mapawalang-bisa ang lisensiya ng dating beauty queen.
Hindi rin siya papayagang mag-apply ng panibagong driver's license sa loob ng dalawang taon.
Pinatawan din ng multang P8,000 si Lopez dahil sa hindi niya pagsunod sa traffic signs, reckless driving, at paglabag sa anti-distracted driving act.
Noong November 11, nag-post si Lopez sa Facebook ng kanyang pagtanggal ng traffic cones at pagpasok sa ASEAN lane na nakareserba sa heads of states at mga delegado na dadalo sa ASEAN Summit.
Ipinagmayabang pa ng aktres sa social media ang kanyang ginawa.