Philippine bet wins Miss Tourism International 2017/2018

IMAGE Courtesy: Adib Rawi Yahya, The Sun Daily, Malaysia

Tinalo ni Jannie Alipo-on ng Pilipinas ang 47 iba pang kandidata mula sa iba't ibang bansa para makuha ang Miss Tourism International 2017/2018 crown. 


Nagtagumpay ang pambato ng Pilipinas na si Jannie Loudette Alipo-on, 25, na mapanalunan ang korona bilang Miss Tourism International 2017/2018.  

Ginanap ang finals ng Miss Tourism International 2017/2018 sa Sunway Resort Hotel & Spa, Petaling Jaya, Malaysia, kagabi, December 6.

Ayon sa ulat ng The Sun Daily, isang local newspaper sa Malaysia, tinalo ni Jannie ang 47 iba pang kandidata mula sa iba’t ibang bansa.

Mensahe ni Jannie sa presscon pagkatapos ng pageant, “Thank you, Malaysia, for making my dream come true. It has been my dream to be crowned as a queen from the age of 18.”

Bukod sa korona, trophy, at sash, mag-uuwi rin si Jannie ng scholarship grant worth RM60,000 (P750,000) sa Lim KokWing University of Creative Technology (Malaysia), at RM10,000 (P125,000) na cash prize.

Ang iba pang mga nagwagi ay sina Maja Aleksandra Sieron ng Poland bilang Miss Tourism Metropolitan International 2017/2018 at Lois Merry Tangel ng Indonesia bilang Miss Tourism Cosmopolitan International 2017/2018.

Kinoronahan namang Miss Tourism Global 2017/2018 si Miss Australia Dianna Hills, Dreamgirl of the Year International 2017/2018 si Miss Brazil Julia Do Vale Horta, at Miss South East Asia Tourism Ambassadress 2017 si Miss Thailand Kamolrut Tanon.

Janii

(Jannie and the other pageant winners at the recently concluded Miss Tourism International 2017/2018 in Malaysia.)

Ang huling nanalo bilang Miss Tourism International mula sa Pilipinas ay si Angeli Dione Gomez noong 2013.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN