Nagkaroon ng early Christmas dinner si Dennis Padilla kasama ang kanyang mga anak sa ex-wife niyang si Marjorie Barretto at sa current wife niyang si Linda Gorton.
Ibinahagi ni Dennis ang ilang larawang kuha sa dinner na ito sa kanyang Instagram account nitong Martes, December 19.
Sa isang Japanese restaurant sa Tomas Morato, Quezon City, kumain ang mag-aama.
Makikita sa mga larawang ito ang mga anak ng comedian kay Marjorie na sina Julia Barretto at Leon.
Wala sa picture ang pangalawang anak nila ni Marjorie na si Claudia.
Simpleng caption dito ni Dennis: “xmas dinner with the kids.”
Kasama rin ni Dennis si Gavin, ang kanyang panganay sa tatlong anak nila ng Filipino-Australian na si Linda Gorton.
Noong June 2017 ay nagkaroon din ng dinner si Julia kasama ang ama para sa Father’s Day celebration.
Kinumpirma ni Dennis na kasamang dumating ni Julia noon ang ka-love team at rumored boyfriend nitong si Joshua Garcia.