Kabilang ang ABS-CBN reporter na si Doris Bigornia sa mga nasugatan sa karambola ng mga sasakyan sa EDSA-Shaw Boulevard tunnel, sa Mandaluyong City, ngayong Huwebes ng hapon, December 21.
Ayon sa mga ulat, nasugatan sa ulo si Doris matapos mabangga ang sinasakyan nilang crew cab ng isang Montero Sport
Tumama raw ang ulo ng reporter sa isang kahon sa loob ng sasakyan.
Kabilang din sa mga nasugatan ang driver ng crew cab at ang cameraman ni Doris.
Ayon sa pinakahuling balita, limang sasakyan ang nagkarombola sa insidente.
Dinala si Doris sa The Medical City sa Pasig at hindi naman daw malala ang tinamo nitong sugat.
Makikita naman sa Facebook posts ng netizen na si Edison Bong Berija ang videos ng insidente.
PEP Live