Binigyang kulay ng ilang netizens ang Instagram post ng singer-actor na si Markki Stroem tungkol sa Japan vacation niya kasama ang aktor na si Marvin Agustin.
Kasama sa larawang nai-post niya ang kambal na anak ni Marvin at ilang mga kaibigan.
Caption ni Markki sa kanyang post noong January 3: “Such a fun New Years group this year! Thank you all for all the beautiful memories! Thanks for tagging me along. Heres to an amazing 2018.”
Kaagad bumuhos ang komento ng netizens tungkol kina Markki at Marvin, dahil marahil sila ang mga artista sa grupo.
May mga nagsabing “love wins” at mayroon ding nagkomento ng heart emoticons.
Narito ang ilan sa kanila:
May mga nagtanggol din naman sa dalawa at sinabing huwag maging judgmental.
Sa Japan nag-celebrate ng bagong taon sina Marvin at Markki, kasama ang iba pang mga kaibigan at mga anak ng una.
May mga hiwalay silang larawan kung saan pareho ang mga lugar na kanilang pinasyalan.
“NEVER. BE. JUDGEMENTAL.” Ngayong umaga ng Huwebes, January 4, nag-post naman ng cryptic message sa kanyang Instagram account si Marvin.
Ayon sa photo message: "Before you assume, learn the facts. Before you judge, understand why. Before you hurt someone, feel. Before you speak, think."
Dagdag pa ng Kambal Karibal actor sa caption, huwag maging judgmental dahil hindi ito nakakabuti sa tao.
Saad ni Marvin: “NEVER. BE. JUDGEMENTAL. It wont help any situation and wont do you any good. In fact, nakakapangit.”
Hindi tinukoy ng aktor kung ano ang pinanggagalingan ng kanyang post na ito, ngunit mahihinuhang may kinalaman ito sa mga komentong natatanggap niya tungkol sa larawan nilang magkasama ni Markki.
Pero may nagkomento namang dapat ay umamin na raw sila at "love wins."
Sa huling panayam ng PEP.ph (Philippine Entertainment Portal) kay Marvin noong November 2017, sinabi niyang "good friend" lang niya si Markki.
Hindi rin daw siya napipikon sa mga intriga tungkol sa kanila dahil matagal na siya sa showbiz.