All's well that ends well na raw sa pagitan ni Diego Loyzaga at ng ama nitong si Cesar Montano.
Noong February 2017, sa pamamagitan ng Instagram, naglabas ng kanyang hinaing si Diego laban sa ama matapos siyang pagbantaan umano ni Cesar na ipapadampot sa pulis dahil sa paggamit daw ng bawal na gamot.
Ayon kay Diego, ganun lang talaga ang mag-ama, nagkakaroon ng hindi pagkakaunawaan.
“We’re okay naman. Nagkaroon lang kami ng kaunting problema.
"Pero ang ama naman at ang isang anak, we’re blood. Kadugo ko siya.
"And no matter… whether we like it or not... and I’m not saying we don’t, ha, kasi alam ko matu-twist-twist na naman, pero I love my father.
"And I know that he loves me.”
Nag-uusap na ba silang dalawa matapos ang kanilang parinigan sa social media?
"Oo naman," tugon ng 22-year-old Kapamilya actor.
Katunayan, binati raw niya ang ama nitong nakaraang Christmas at New Year.
Nakausap ng PEP.ph (Philippine Entertainment Portal) at ilan pang media si Diego sa presscon ng pinagbibidahan nitong pelikula, ang Mama’s Girl, noong Sabado, January 6.
Kasama rin sa pelikula sina Sylvia Sanchez, Sofia Andres, at Jameson Blake.