Hindi na bago sa Metro Manila ang usapin tungkol sa malalang trapik.
Wala na ring pinipiling oras ang pagkabuhul-buhol ng mga sasakyan sa kalsada kaya naman laging trending sa social media ang lagay ng trapiko sa bansa.
Ang mga rutang nakukuha lamang noon sa ilang minutong biyahe ay umabot na ngayon sa isang oras, dalawa o lagpas pa sa inaasahan.
Hindi pa rin tuluyang nasosolusyunan ng gobyerno ang problemang ito, kaya naman ang mga netizen na naiipit sa trapiko ay naglalabas na lamang ng galit o sama ng loob sa social media.
Katulad na lamang ng Kapamilya actor-singer na si Khalil Ramos.
Noong Miyerkules, January 24, idinaan ni Khalil ang kanyang pagkadismaya sa traffic sa pamamagitan ng Twitter.
Sabi niya, “I've come to a point of feeling pure sadness for the traffic situation here in Manila. Almost 3 hours from Parañaque to Makati???
“A route which usually takes just 20 minutes! You can't get shit done here anymore. Unbelievable.”
I've come to a point of feeling pure sadness for the traffic situation here in Manila. Almost 3 hours from Parañaque to Makati??? A route which usually takes just 20 minutes! You can't get shit done here anymore. Unbelievable
— Khalil Ramos (@TheKhalilRamos) January 24, 2018
Hindi lamang si Khali ang artistang idinaan sa social media ang pagkainis dahil sa lumalalalang kondisyon ng trapiko sa Metro Manila.
Ang ilan ay sumasakay na lamang sa MRT upang makarating sa kanilang appointment sa tamang oras.
Pero nitong mga nakalipas na buwan ay marami na rin ang nagrereklamo sa sitwasyon ng MRT dahil sa mga lumang bagon na madalas masira.
Ngayong hapon nga lamang, January 26, ay umusok ang isang bagon sa pagitan ng Kamuning at Cubao stations.